۹۰/۰۳/۲۶

نئچه دیل بیلن اولسان،نئچه آدام دئیرلر!

اؤز دیلینی بیلمه‌سن،نئجه آدام دئیرلر؟؟!!


ادامه مطلب
نوشته شده توسط کریم گول اندام در |  لینک ثابت  

۹۳/۱۲/۰۷

سازیمیزsazımız

 

 

سازیمیز

 

 

 

شامانلارین  کؤکسو اوسته آلدی جولان سازیمیز  

 

سیرالانمیش آلتایلارا سالدی توفان  سازیمیز

 

 

 

 

پرده –پرده زیلده  گزدی  بیرده یوکسلدی بمه

 

 

دم چوخ اولدو ،غم یوخ اولدو ائل ده دؤندو همدمه

 

 

گاه هئراتی ،گاه دا جنگی گاه دا کئچدی دیلغمه

 

 

دینله دیکجه مجلیس اهلین ائتدی حئیران سازیمیز

 

 

 

 

ایلکین اینسان  داخمالاردان  بو دونیایا گؤز آچمیش

 

سئوینجیندن ،حسرتیندن قوپوز ایله سؤز آچمیش

 

 

نسیللریم کامچاتکادان آلاسکایا ایز آچمیش

 

 

آیریلیقدا دردیمیزه قیلدی درمان  سازیمیز !

 

 

 

ده دم قورقود بوی سؤیله دی دستان دئدی قات –باقات

 

گلیملی دیر ،گئدیملی دیر اعتیبارسیز  بوحیات

 

دوشمنینله ساییق ترپن دوستونا قیل ایلتفات

 

 

قویما چالسین اورتالیقدا بیرده هیجران سازیمیز!

 

 

 

هم قریبین هم کرمین اودا چکمیش باغرینی

 

ناله لری اویاندیرمیش یوخوسوندان آغرینی

 

 گؤتورموش  اؤز  عؤهده سینه یامان گونده چاغرینی

 

کور اوغلو  نون نعره سیله چالمیش عوصیان سازیمیز

 

 

 

 

دارگونونده  دویوشلرده  تک لی یینی  اونوتما

 

 

قیرانیتدن یارانمیسان برک لی یینی اونوتما

 

 

سن بوز قوردون نسلیندن سن تورک لویونو اونوتما

 

 

   چیمخیراندا  اؤن سیرادا  گزر مئیدان سازیمیز

 

 

 

 

 اودو بیردیر   دادی ، بیر دیر،  آدی دائیم اوجالسین

 

تورک باغلاما ،اؤزبک قوپوز تورکمن دوتار چالسین

 

کریم دئیه ر  آرزوم بودور  دونیا دوردوقجا قالسین

 

عاشیقلارین سینه سی اوسته آذربایجان سازیمیز

 

 

 

اورمو-1393


ادامه مطلب
نوشته شده توسط کریم گول اندام در |  لینک ثابت   • 

۹۳/۱۱/۳۰

ضرب المثل! zərbül məsəl

 

 

 

 

ضرب المثل!

 

 

 

"دوز اگرینی کسر" ائلده  مثل دیر !

 

دوز اینسان بوحؤکمه چوخدان مطل دیر!

 

 

اگری چالیب ،چاپیب بایدیریب  قاپیر ،

 

قانونا توپوروب سئودی یین یاپیر

 

ووروب ،چیرپیشدیریب،ییغیشدیریر دا

 

اود سالیب ،آرانی قیزیشدیریر دا

 

 

یازیق دوزه قالان گؤز یاراسی دیر

 

 تک ال، اورک داغی ، اوز قاراسی دیر !

 

یوخ هله  بس دئییل  بو هاراسی دیر!

 

 

اگری آت چاپدیریر دوزلر باشیندا

 

گؤرورسن زوخبالا اوشاق یاشیندا

 

یوز اللی میلیونلوق بیر ماشین مینیر

 

دیندیرسن, اسلامین  دالیندا سینیر!

 

آیی کیمی یاتیر ،مال کیمی یئییر

 

اوسته لیک دوزلوکدن بیر داستان دئییر !

 

 

دوزلوک سیسقا حالدا مات قالیب اویور

 

حیاتدان بئزیکیب، جانیندان دویور

 

چؤلمه یی بوش باخیر ،چایی سارالیر

 

گؤز ائوی قارالیب ،صبری دارالیر !

 

سس سالیر بو نه یئر ! بو هانسی عصیر ؟

 

 اگری لیک ،دوزلویو ،ائیله میش اسیر !

 

 

اگری بیر سس گلیر  اگری بیر یولدان

 

چیخارت قولاغیندان پامبیقلاری سن

 

ایندی بو اؤلکه ده حؤکم ائدیرم من!

 

دوزلوک  بیر ال دیرسه  ،اگری مین ال دیر!

 

دوز اگرینی کسر"ائشیت،اینانما!

 

اویالنیز بیر قورو ضرب المثل دیر!!!

 

 

اورمو-1374


ادامه مطلب
نوشته شده توسط کریم گول اندام در |  لینک ثابت   • 

۹۳/۱۱/۲۳

قارا توپراق-qara topraq

 

 

قارا توپراق

 

 

 

سلام باغری یارا توپر‌اق !

 

قارا توپر‌اق


وئریملیسن دامار،دامار


نه یازیق کی،

 

نئچه واخدیر دوز قوخویان قاباریندان

 

زهر توزو قاناتلانیب ,

 

دامجی-دامجی

 

اؤلوم یاغیش‌لاری دامار !

 

 

توتقون هاوا ،سولغون گونش

 

 

بوینو چیی نینده سئرچه‌لر

 

قارا کؤینکده قارقا‌لار

 

ایتکین دوشمکده دورنا‌لار!

 

 

شیرنک ایچینده باخچا‌لار !

 

نه کپنک,


نه سیر-سیرا ،قیزیل بؤجک

 

 

نه آری،نه پاپیشتیکن

 

نه بیلدیرچین ،نه سیغیرچین

 

نه قیلانقوش

نه ده بایقوش!

 

بوداق اوسته درده دوشموش ساری یاپر‌اق

 

شوملاما‌دان باغری اولموش یارا  توپراق!


منیم شاعیر کؤنلوم کیمی

 

درد ایچینده  قارا توپراق!

 

 

اورمو-1393

 

 


ادامه مطلب
نوشته شده توسط کریم گول اندام در |  لینک ثابت   • 

۹۳/۱۱/۱۸

عورمیه!!!ur miyyə

 

 

 

عورمیه!!!

 

 

 

 

 

بوشهرین آدی اورمو

 

نادان تاریخچیلر اونا

 

بیر روم مزاری قازمیشلار

 

مزاری اوسته یازمشلار

 

رومیه و  ارومیه

 

 

قولدور رضا مقصدینه 

 

فارسلاشدیرماق نیتیه

 

چاتسین دئیه

 

اؤز شرفسیز شرفینه

 

بوشهرین آدین قویدو رضائیه!

 

 

خائن ضیالیلار، کؤکون

 

چالیشدیلار باغلاسینلار

 

اوزوقارا،قلبی خائین ائرمنیه!

 

هله بونلار هاراسیدیر ؟

 

چوخ چکمزکی،

 

شلمه لیلر بوشهره  "وورمه" دئیه!

 

 

 

قاتیقدان قیل چکن قارداش !

 

سومئرلره پایتخت اولان"اور" و 

عراقدا گؤرمه دی!

 

"اورآرتور" ا

تورکون اسکی الیفباسی اورخون "  ا

 فیکیر وئرمه دی!

 

" اورشلیم "ی فیلیسطینده

 

"اورفا" نی آنادولودا

 

"اوروک" و   قازاقستاندا

 

"اورومچو"نو   بؤیوک چینده

 

گؤروب اوزه گتیرمه دی!

 

مین کره دئسک یئنه ده

 

(هپ سنه های هپ سنه)ده

 

 ( کتان کؤینک میل-میلی) نی

 

(گل اوخو بیزیم دیلی) نی

 

(بیزیم دیل اورمو دیلی) نی

 

 

قولاغینا پانبیق تیخیب دینله مه دی!

 

حیاسیزجا حقیقتی تاپتالاییب

 

توپوردویونو یالاییب!

 

بیزه تورک لشمیش فارس دئیه!

 

بو شهره، یئنه دئدی ارومیه!

 

 

 

اورمو گؤلو قورودولدو!

 

آرتیق هرنه سولماقدادیر!

 

شهریمیزین آدی تک

 

تاریخیمیز سیلینمکده

 

کؤکوموز ،یوخ اولماقدادیر!

 

آمان اورمو!!!

 

قینامازسان،قینامارام!

 

اینجیمزسن!

 

اینجیمه رم !

 

 

بوندان بئله گلن نسیل

 

بو شورانلیق توپراقلارا

 

عرب کیمی

 

 سؤیله سه لر

 

عور میه!!!

 

 عور میه!!!

 

اورمو-1393


ادامه مطلب
نوشته شده توسط کریم گول اندام در |  لینک ثابت   • 

۹۳/۱۱/۰۸

عطیرلی عشق!ətirli eşq

 

 

 

عطیرلی عشق!

 

 

بیر تبسسوم دویموشدوم

 

اؤتری باخیشیندا ،

 

 

ایچیمده قوپان گیزیلتینی گیزله‌ده‌رک،

 

 

 اورییم تیترک یاپراغا دؤنموشدو!

 

 

جوشقون هیجان‌لار ایچینده

 

 

باشیمدا اولماز خیال‌لار گزیردی!

 

فیرتینایا دوشموش یئلکن‌لر کیمی

 

بوراخمیشدیم اؤزومو،


دئو دالغا‌لار اویناغینا!

 

هر آرا سیرا گیزلی باخیشیندان

 

گیزیلتی‌لر اورییمده،

 

 

گیزلین پاچ اویناییردی

 

قیژیلدایان قانیمدا

 

وولکانلار قایناییردی!

 

 

بونونلا بئله،

 

 ایلیق بیر حضور ایچینده

 

 

 حیسس ائدیردیم قلبیمی.

 

کیمسه ایله قونوشماق ایستمه‌دن ،

 

یاشادیغیم آنی‌لاری

اؤز ایچیمده گیزله‌ده‌رک ،

 

بوتون کایناتا باغیرماق ایسته ییردیم !

 

هئچ کیم سوال ائتمه‌دن

 

هئچ بیر جاواب وئرمه‌دن

 

بوس-بوتون وارلیغیملا

 

ایچیمده باغیریردیم !

 

هر گؤره‌نین گؤزونده

 

من عاشیقم دئییردیم!

 

 

من سنی چاغیریردیم!

 

 

 

نئجه‌ده دوز دئمیش‌لر

 

 

 

"بیر عطیر،بیر ده عشقی"

 

اصلا گیزلتمک اولماز!

 

  اورمو-1393


ادامه مطلب
نوشته شده توسط کریم گول اندام در |  لینک ثابت   • 

۹۳/۱۱/۰۶

اوتوپیا-otopiya

 

 

 

اوتوپیا

 

 

 

 

 

ایرنج حال‌لارا قالدیق  ,

 

عؤمروموزون داریسقاللیغیندا .

 

 

اللریمیزده حالا قاباردان گول‌لر,

 

 

ماوی دامارلاری بوداقلانمیش ،

 

گؤزلریمیز اؤنون‌دن ،

 

بیاض پرده‌لر ساللانمیش !

 

و تاوانی اوچموش ائیوان‌لار کیمی،

 

 

اوره ییمیز تاوان‌سیز !

 

 

جان‌سیز بیر بالیق سایاغی ,

 

بؤیروموز اوسته سئیر ائدیریک

 

عؤمروموزدن ان دؤزوم‌سوز حال‌لاری!

 

 

 

 

کیمی‌نین دوخسان میللارد دوللاری!

 

کیمی‌لرینین دیرسه‌یه قدر

 

 

قانا بولاشمیش قول‌لاری

 

هر ایکی‌سی‌نین دیلینده

 

لا اله الاالله شوعاری!

 

یئر اوزونده اولان

 

 غددار تانریجا‌لار !

 

 

 

 

تاریخ

 

ایکی مین اون بئشینجی یاپراعینی یئرغالار

 

مدنیت ایره‌لییه گئتسه ده

 

گؤرونور اینسان‌لاردا 

 

ییرتیجی‌لیق ،

 

مسلکدارلیق ،

 

عیرقیچی‌لیق ،

 

سویغونچولوق،


پوزغونچولوق،


 

دوام ائدیر اولدوغو تک !

 

ایلکین دفعه یئر اوزونده آنا‌دان دوغولدوغو تک!  

 

 

 

ائی ، هانی ایللر تک باشینا

 

برابرلیک شوعارینا

 

 

فصیل –فصیل

 

 

قان ایچین‌دن کئچدیگیمیز!

 

قارداشلیغا ،

 

موساواتا ،

 

 

آزادلیغا ،توپراغا

 

آند ایچدیگیمیز!

 

حقیقته قوربان گئدن برونودان  

 

کول ایچینده بیر خاطره بیزه قالمیش

 

 

آزادلیغا ایچدیگی آند

 

او،بابی ساندز

 

میلیون-میلیون قوربان‌لارین سیموولودور

 

تاریخین هر بیر واراغی

 

 

بو سیمگه‌لرله دولودور

 

بیز بو دردلرین واریثی

 

 

عؤمروموزله داشامیشیق

 

 

یئنه ده  داشایاجاییق بیز بو ارثی

 

 

بیله-بیله

 

برابرلیک

ایچی بوش بیر اوتوپیا،

 

 خوش بیر خیال

 

 

اولمامیش‌دیر،

 

 

اولمایا‌جاق،

 

جاناوارلار گؤزو دویسا ،

 

 

اینسان‌لارین آزغین گؤزو  دویمایا‌جاق!

 

 

اورمو-1393


ادامه مطلب
نوشته شده توسط کریم گول اندام در |  لینک ثابت   • 

۹۳/۱۱/۰۲

کرمینه قوربان!kərəminə qurban

 

 

 

کرمینه قوربان!

 

 

 

 

 

یوخلوغوندا ،

 

محزون شارکی‌لارا آلیشدیم

 

چیرکاب‌لارا بولاشماق ایستمه دیم

 

بیر تک ائحتیراص حیسس‌لریمی جیلوولاماق

 

چوخ قولای اولمادی منه

 

مین کره اؤزومه لعنت دئسم

 

یوز مین دفعه حسرتینی چکسم ده

 

قیریلمادیم

 

حتی-

 

حتی قاپینین ,

 

ایش یئری‌نین اؤنون‌دن

 

سس‌سیز-سمیرسیز

 

ایلیق بیر کولک سایاغی اؤتسم ده

 

قاپینا توخونما‌دان اؤتوب کئچدیم

 

 

ایچدیم یوخلوغوندا ،

 

لاکین اؤزومو ایتیرمه دیم

 

دردین سارسیتسادا

 

قیوریلدیم ایچیمده


اوزومه گتیرمدیم

 

اوووتدوم اورییمی

 

یاشانان خاطیره‌لرله

 

ایچیلن قده‌لرین جینگیلتی‌سی

 

حالا قولاغیمدا

 

و دنیز تمیزلیگینده

 

 

بیر جوت قویون گؤزلرین

 

ایشیلتی‌سی حالا منیمله‌دی

 

تیترک سسین ،عطیرلی نفسینله

 

دئدی-قودودایام !

 

کیمین تاقصیرکار اولدوغو

 

اؤنم‌لی دئییل

 

 

کیمین اوریی نئجه آیریلیغا قییدیغی

 

منی دوشوندورور!

 

من آیری‌لیغی سئچمدیم ،

 

او، سن‌دن منه پای اولدو !

 

کرمینه قوربان

 

نازلی سئوگیلیم !

 

اورمو-1393


ادامه مطلب
نوشته شده توسط کریم گول اندام در |  لینک ثابت   • 

۹۳/۱۰/۲۷

قالماسین-qalmasın

 

 

قالماسین!

 

 

 

یوخ اولدوم بیر داها آراما منی،

 

 

ائله یوخ اولدوم کی، ایزیم قالماسین!

 

ائله ییخیلدیم کی، مین کره اؤتسن

 

بیر کره آردینجا گؤزوم قالماسین!

 

 

 

 

 

ائله ییخیلدیم کی، بارلی بیر آغاج-

 

 

غفیل بیر  کولک‌دن ییخیلان کیمی!

 

ائله سیخیلدیم کی، اوفاجیق اوشاق .

 

ساریلمیش قونداقدا سیخیلان کیمی!

 

 

 

 

 

سانمیرام بیر داها اوز –وزه گلسک،

 

بیردن اوره یییمده دؤزوم قالماسین!

 

 

اؤته رم یانین‌دان بیگانه لر تک!

 

ائله اؤته رم کی، توزوم قالماسین!

 

 

 

 

 

چالیش  سن ده آلیش بو موصیبته!

 

بلکه سنین اوچون بیر سعادت‌دیر!

 

اودا اینسان‌لاردا قالیب طینته!

 

 

اونوتقان‌لار اوچون بو بیر عادت‌دیر!!

 

 

 

 

 

ائله ویران ائله دوستلوق کؤرپوسون،

 

 

بیرده قاییتماغا اوزوم قالماسین!

 

من ده سو سپیرم عشقین اودونا

 

توستوسو یوخ اولسون، کؤزوم قالماسین!!

 

اورمو


ادامه مطلب
نوشته شده توسط کریم گول اندام در |  لینک ثابت   • 

۹۳/۱۰/۲۱

سوی-کؤک-Soy-kök

 

 

 

سوی-کؤک

 

 

 

 

 اولوسومدان  سورارسان

 

خان تورکم آذری یم

 

توران بویدا تورپاغیم

 

آز قومونون اری یم!

 

 

 یاشیمدان خبر آلسان

 

تاریخ مندن گئریده

 

سویومدان خبر توتسان

 

من تاریخدن بری یم!

 

 

 

نسیللر  اریتمیشم

 

اؤز قاینار وولکانیمدا

 

سن چاتان اوجاقلاردا

 

چوخ چتین من اری یم!

 

 

 

آت بئلینده دوغولدوم

 

تومروس آنامدیر منیم

 

چیندیر- قاییش  بؤیودوم

 

بیر سوموک بیر دری یم!

 

 

 

آراز بویدا آخارام

 

قاشقای کیمی باخارام

 

خلیل رضا نفسلی

 

معجز شبستری یم

 

 

 

تورکون قوچاغی چوخدور

 

ساناما، سایا گلمز

 

 دلی قانلی ائشیدسن 

 

من اونلاردان بیری یم!

 

 

 

سایاگلسن ساییم چوخ

 

تای آختارسان تاییم یوخ

 

اون قات اگر بؤلونسم

 

یئنه سندن ایری یم!

 

 

 

اؤلمز تورک ائولادی یام

 

اورومچودان - اورمویا

 

سیبیردن -آلاسکایا

 

کؤک سالمیشام دیری یم!

 

اورمو-1393


ادامه مطلب
نوشته شده توسط کریم گول اندام در |  لینک ثابت   • 
مطالب قدیمی‌تر