۹۴/۱۱/۰۴

بئله قالماز-belə qalmaz

 

 

دووران بئله قالماز!

 

 

 

ایسترکی،غمین چوخ اولا ایسترسه دمین آز

 

دؤوران بئله قالماز!

 

ثابیتلییه هئچ عقلی اولان اینسان اینانماز

 

دؤوران بئله قالماز!

 

ایشلر بوروشوق،باش قاریشیق اوز قیریشیق دیر

 

حتی تانیماز ایت   یی یه سین !چوخ قاریشیق دیر

 

هر ظولمتین آردینجا دوغان البت ایشیق دیر !

 

آمما نه یازیق کورسیچان اصلابونو قانماز

 

دؤوران بئله قالماز!

 

 

هر هفته ده بیر دب دبه لی مدرک آلانلار

 

ابجد اوخویوب محکمه ده قاضی اولانلار !

 

مین تورلو جنایت ائله ییب راضی قالانلار

 

البته یازیق میللتین احوالینا یانماز !

 

دؤوران  بئله قالماز!

 

 

هر جوروجفا میللته اولسا یئنه آزدیر

 

چونکی بویازیق امت  ایران اؤلوبازدیر

 

کسمه اومودون چونکی قیشین آخیری یازدیر

 

کوفرایله قالار اؤلکه ،  ولی ظولمه دایانماز!

 

دؤوران بئله قالماز

 

 

باش کسمک ایله اسلاما عیزت یارانارمی؟

 

القاعده،طالیبلره بیعت یارانارمی؟

 

دارقورماق ایله قورخولو دوولت یارانارمی؟

 

یوخ آرخاداشیم اورتا عصیر بیرده یارانماز !

 

دووران بئله قالماز !

 

اورمو-1394


ادامه مطلب
نوشته شده توسط کریم گول اندام در |  لینک ثابت   • 

۹۴/۱۱/۰۱

قارا قورخو!Qara qorxu

 

 

 

 

قارا قورخو!

 

 

 

 

یامان یئرده قارانلیقلادیق

 

ایتیرمکده ،تن قورخوسو دئییل وطنداش!

 

وطن قورخوسو!

 

البت بابالاریمیزین عطالتینین

 

گؤزو کؤلگه لییی بیزه قالاجاق !

 

وبیزیم واریثلریمیز داداجاقدیر

 

ایرثیمیزین دادینی !

 

سؤز عیاشلیقدان گئتمه ییر عمی اوغلو!

 

کیمی ییغیب ،کیمی سه سوورسون!

 

بره نی سویا وئرمکدن دانیشیرام

 

اونا گؤره آلیشیرام

 

قونو چیخیشسیز قارا قیشداندیر !

 

اودسوز،اودونسوز،بیرسویوق سوبا

 

ودیشلری آغاران جاناوار سوروسو پوسقودا !

 

ایچیمده جان قورخوسو دئیل وطنداش

 

قوربانلیغا سوروکله نن آذربایجان قورخوسو !!

 

اورمو-1394

ا


ادامه مطلب
نوشته شده توسط کریم گول اندام در |  لینک ثابت   • 

۹۴/۱۰/۳۰

تاپشیریق-tapşırıq

 

 

 

تاپشیریق

 

 

 

 

گئدیرم،

 

خومار گؤزلرینه تاپشیر

 

آرخامجا سو چیله مه سین

 

منی یولدان ائله مه سین !

 

 

واینجه قولاقلارینا سیرغا ائت

 

 قارا خبردینله سه ده

 

 اینانماسین!

 

 

آیریلیق اوزون سوررسه

 

کؤورک اوره یینه تاپشیر

 

منی اونوتقان سانماسین!

 

 

اینان سنه داریخمیشام

 

 گونده-گونده

 

هر دامار چیرپینتیسیندا

 

هر اوره ک دؤیونتوسونده!

 

تهران-1394


ادامه مطلب
نوشته شده توسط کریم گول اندام در |  لینک ثابت   • 

۹۴/۱۰/۲۳

قارا -Qara

 

قارا

 

 

یاغدی،

 

یاغدی،

 

قارایاغدی!

 

سانکی قیرخ ایل باشیمیزا

 

 قارا یاغ تک!

 

قارایاغدی!

 

 

عاغلیمیزا،

 

هوشوموزا،

 

دویغوموزا،

 

دوشوموزا،

 

دولوموزا بوشوموزا،

 

اؤنوموزه، پئشسمیزه،

 

ایشیمیزه،پئشه میزه!

 

عؤموردن هر یاشیمیزا

 

سانکی قارا یارا یاغدی! !

 

مزاردا باش داشیمیزا

 

حتی قاردا ،قارا یاغدی !

 

بئله لیکله

 

آنالارین اؤرتویونه

 

هرعائیله شن لییینه

 

هربیر ائلین  دویونونه

 

هر اوغول –قیز  دونه نینه

 

 بوگونونه

 

یددی آرخادان دؤنه نینه  

 

 

 قارایاغدی !

 

بؤیوک بیر اؤلکه بویونجا

 

 نسیللرجانا  دویونجا

 

قارا یاغ تک،

 

قارا یاغدی!!

 

میلیونلار یاغا بولاشدی

 

کیمه اؤلوم قیسمت اولدو  

 

بیر کره آغا بولاشدی!!

 

 اورمو-1394

 

 

 


ادامه مطلب
نوشته شده توسط کریم گول اندام در |  لینک ثابت   • 

۹۴/۱۰/۰۹

اوزو قارا !üzü qara

اورمودا سئچکیلر قاباغی

 

اوزو قارا !

 

 

اود ووردو آذربایجانا

بیر مارشیمون!

بیر سیمیتقو!

 

کیم اورمونو چکدی قانا؟

بیر مارشیمون !

بیر سیمیتقو!

 

نه باغ قالدی نده بهر

نه کند قالدی نه ده شهر

قانیمیزا قاتدی زهر

هم مارشیمون !

هم سیمیتقو!

 

تپه‌دن دیرناغا یارا

قالدیق یالوارا-یالوارا

تاریخ بویو اوزو قارا !

هم مارشیمون !

هم سیمیتقو!

 

یوز ایل کئچسه جینایتدن

پاکا چیخماز خیانتدن

قاچا بیلمز عدالتدن

نه مارشیمون !

نه سیمیتقو!

 

آسلان گئتسه قوجالماغا

تولکو گلر باج آلماغا

مجال وئرمه اوجالماغا

نه مارشیمون !

نه سیمیتقو!

 

سنده وارسا  تورکون قانی

گل ساتما آذربایجانی

اوز وئرمه تاپسین میدانی

یا مارشیمون !

یا سیمیتقو  !!

 

اورمو-1394


ادامه مطلب
نوشته شده توسط کریم گول اندام در |  لینک ثابت   • 

۹۴/۱۰/۰۶

آدام! Adam

 

 

 

آدام!

 

 

نه سوی نه مسلک ،

نه دین نه مذهب ،

نه پول نه منصب،

باخا –باخا کور

 ائتمزدی سنی

اگر بیر گؤزده

گؤره بیلسیدین ،

مچید،کیلسه نی !

 

اوندا بیلردین

هئچ بیر قودرته

قول یارانمادین

اؤزگور دوغولموش

اینسان‌دیر آدین!

 

  بیزی چکمه‌سین

پیس اویون‌لارا

نه آغ نه قارا

نه چوخلوق ،آزلیق

صلیب یوروش‌لریند‌ن اوتانمادی می

او،اوزو قارا !

کؤهنه دین بازلیق؟

 

سولطان سلیم‌دن

شاه ایسماعیل‌دان

قانا دویمادی  یوخسا چالدیران؟

 

قاپان- قاپیش‌دان !

فیتنه بازلیق‌دان  !

عیرق‌چیلیکدن!

 دسته بازلیقدان!

الله آدی له!

فیرقه بازلیقدان

سؤیله  نه لرقازاندی دونیا؟

 

هر وارلیغا گووندی

ایناندی دونیا،

بیرجه آدام الیندن

اوتاندی !

اوساندی دونیا!

 

1394-اورمو


ادامه مطلب
نوشته شده توسط کریم گول اندام در |  لینک ثابت   • 

۹۴/۰۹/۲۵

آغیر ایش!ağır iş

 

 

 

آغیر ایش!

 

 

دولانماقدادیر

بوستلجم توتموش دونیا!

بیر –بیرینه یاخین داملاری ،

بیر-بیریندن اوزاق آداملاری !

و اوره ک بولاندیریجی ایلهاملاری ایله!

 

شاعیر اولماق نئجه ده آسان!

بو بوش بوغازلیق،ساییل-باییلدان

اینسانلیق اوره یی بولانماقدادیر !

 

نه اوم نه کوس !

اونوتقانلیق اپیدیمی اولان هر  یئرده

بئله دیر اولای:

دنیزده قاتیق چالماق  

خاطیره لرده قالماقدان

داها چوخ قولای!!

 

تهران-1394


ادامه مطلب
نوشته شده توسط کریم گول اندام در |  لینک ثابت   • 

۹۴/۰۹/۱۸

azər-21

 

 

۲۱-آذر

 

آتالارین غیرتیسن ۲۱-آذر

 

آنالارین حسرتیسن ۲۱-آذر

 

 

 

ایللر قانی جوشاگلدی آذربایجانین 

 

داغ-داغ اوسته قوشا گلدی آذربایجانین!

 

مگر دردی باشا گلدی آذربایجانین؟!

 

عوصیانیمین عیللتیسن ۲۱-آذر 

 

تاریخیمین شؤهرتیسن ۲۱-آذر

 

 

بیر ایل شانلی،بیر ایل قانلی بیزه پای اولدون 

 

بیر ایل بایرام ،بیر ایل ماتم  بیزه تای اولدون!

 

سورگون اولدون ،یاساق اولدون ،پارلاق آی اولدون 

 

پارچالادین ظولمتی سن ۲۱-آذر !

 

روسوا ائتدین ذیللتی سن ۲۱-آذر!

 

 

 

۷۰-ایللیک شانلی بیریول آرامیزدادیر!

 

۷۰-خیرمان قانلی تیکان یارامیزدادیر!

 

اؤزگورلویون رمزی بیرلیک چارامیزدایر!

 

 

طالعیمین قیسمتیسن ۲۱-آذر

 

عؤمروموزون زینتیسن ۲۱-آذر 

 

 

 

مینلر سولماز فدایی نین گول جامالیسان

 

آزاد وطن ،یکانی-نین خوش خیالیسان

 

سید جعفر پیشه وری ایده آلیسان

 

مجلیسلرین صؤحبتیسن ۲۱-آذر 

 

روحوموزون شؤکتیسن ۲۱-آذر 

 

 

 

میللتیمین دار گونونده عوصیان بایراغی 

 

اودلاریوردو اوره یینین سؤنمز اوجاغی

 

ظولمت ایچره یول گؤسترن دنیز چیراغی 

 

قلبیمیزین قووتیسن ۲۱-آذر 

 

بیرلی یه  وئر سورعتی سن ۲۱-آذر!

 

تهران-۱۳۹۴(۲۰۱۵)

 

 

 

 

 

 

 

 

 

 

 

 


ادامه مطلب
نوشته شده توسط کریم گول اندام در |  لینک ثابت   • 

۹۴/۰۹/۰۴

بیرین گوجو-birin gücü

بیرین گوجو

 

باخما تکم،

باخما بیرم!

سویوق قانلی اولسام دا

قانی سویوق دئییلم !

 سویوق قانلی اینسان‌لاری گؤردوکده یامان قیزارام !

 

ایشیم باشیمدان آشسا دا

بیر ایشیم یوخ !

بو سفالتدن سؤز آچماسام

قینیندا یاشایان توسباغا کیمی ساکیت یاشارام

 

 

گل اونوتمایاق !

بیری ،بیر کیمی هئچه توتمایاق!

 دنیز بویدا بؤیوک  جمعیت،

بیر داملانین  سسیله   سسه دولور!

قول-قولا گیریب  یولو  بیر اولور!

 

 

دوز دوشونموشسن!

هر تکی  حده‌لمک

جمعی  تکلمک دئمک!

بیری جمعیت ساخلار

بیر جمعیتی !

داغیتماق ایسته‌ین‌لر بیر جمعیتی

اولو یا دیری  ، بوخوو‌لار بیری !

 

 

اورمو-1393

 

 


ادامه مطلب
نوشته شده توسط کریم گول اندام در |  لینک ثابت   • 

۹۴/۰۸/۲۳

باش بلاسی!baş bəlası

 

 

 

 

باش بلاسی!

 

 

 

 

منیم دیلیم دوشمان‌لارین باشینین بلاسی‌دیر

 

تاریخ بویو میللتیمین یئنیلمز قالاسی‌دیر

 

 

 

قورولوشو قرانیت‌دن یارانمیش‌دیر ازلد‌ن

 

بزنمیش‌دیر بایاتی‌دان گرایلی‌دان ،غزلدن

 

بوداقلانمیش گؤزدن، گؤزه،گؤزللمه، گؤزل‌دن !

 

مین ایللردیر مغرور قالیب یئنه ده قالاسی دیر!

 

 

اویغورلاردان، قیپچاق‌لارا، تورکماندان، تاتارا

 

اؤزبئک، چئچئن، قازاق، قیرقیز، سئلجوق‌لاردان،  ماجارا

 

 

آوروپانین گؤبه یین‌دن، توتوب گئت آلتای‌لارا

 

بوتون التصاقی دیل‌لر دیلیمین بالاسی‌دیر

 

 

 

منیم اولمز تورک دیلیمی اوچ یوز میلیون پایلاشیر

 

هر سؤزوندن سؤزلر سوزور ,سوزولن آلتایلاشیر!

 

گلمه سؤزلر اؤزللشیر لایلادیقجا،لایلاشیر!

 

هانسی قودرت ناسیل اونو گؤزلردن سالاسی‌دیر؟

 

 

 

مین ایل سنین دیلینده من یازیب،پوزوب ،اوخودوم

 

نظامی‌لر،خاقانی‌لر شعریله سؤز توخودوم !

 

ظن ائتمه کی  اورتا‌لیقدا منیم اؤزوم یوخودوم!

 

تورک اولمازسا فارسین دیلی تویوغون فالاسی‌دیر!

 

 

 

ائشیدیرمی کار قولاغین میللت وئریب سس-سسه

 

"تورکون  دیلینده مدرسه اولما‌لی‌دیر هر کسه  "؟

 

بوتون آذربایجانیمی سالا‌جاقسان قفسه؟

 

سنجه هله  بو عصیرده بو ایشلر اولاسی‌دیر؟

 

 

 

هر بیر خالص فارسین ایر موختصر وجدانی وار

 

قانینی یوخلاتسا  گؤرر جانیندا  تورک قانی وار!

 

 

بو آذربایجان‌دیر اونون گیزلی بیر وولکانی وار

 

سنین کیمی بیج بالا‌لار ایتی‌نین تولاسی‌دیر !!

 

 

اورمو-1394


ادامه مطلب
نوشته شده توسط کریم گول اندام در |  لینک ثابت   • 
مطالب قدیمی‌تر